SweetPea3 أول مشغل إم بى ثرى للأطفال

حاول ترجع لذاكرتك فى الطفولة وافتكر لعبتك اللى كنت تحركها وتعمل صوت وكانت بتشغلك ومش بتخليك تعيط طول الوقت وكانت بتخليك فى احسن مزاج . دلوقتى متحاولش تجيب لولادك لعبه زى دى لان الدنيا إتطورت دلوقتى لازم طفلك يكون معاه جهاز Mp3 بس طبعا مش بتاع الكبار ده هيكون جهاز خاص بيه هو هيخلى مزاجه معتدل كل اما يسمع الأصوات اللى طالعه منه .
SweetPea3 أول جهاز ام بى ثرى اتعمل للأطفال من سن يوم واحد لـ 6 سنوات الجهاز بيجى عليه كمية ضخمه من الأغانى الخاصه للأطفال . طبعا المصنعين للجهاز عارفين ان اللى هيستخدم الجهاز طفل يعنى ممكن يرميه او يحدفه فى الحيطه او يحاول يكسره لكن للأسف الطفل مش هيعرف يكسره لانه متصنع من خامات غير قابله للكسر بسهولة .
جهاز سويت بى بيجى معاه ذاكرة 1 جيجا تقدر تغير الأغانى لطفلك كل فترة او تضيف اغانى واصوات جديدة وبيشتغل ببطارية عادية مقاس AA وهيشتغل بالبطارية لمدة 40 ساعة .
اكيد يهمك ان الصوت ميكونش عالى علشان مش يأذى طفلك علشان كده لوحة تحكم الصوت مخفية والطفل مش هيعرف يوصل ليها وانت اللى هتحدد مستوى الصوت المناسب لطفلك .
Sweet pea 3 سويت بى

تعليقات

المشاركات الشائعة من هذه المدونة

وظائف جامعة البترول والمعادن

وظائف المعهد السعودي للبترول