خدمة عملاء فودافون بين الامكانات التقنية وسوء المعاملة

انا فودافون ومن اكثر المعجبين بتغطية شبكة فودافون داخل مصر لكن مش بحب انافق واقول ان فودافون مثالية
كتابتى للموضوع ده مش علشان امدح ولا اقلل فى فودافون لكن علشان اوضح الامكانيات الموجوده عند خدمة عملاء فودافون ٠٠تعالو نبتدى الحكاية :
بقالى اكتر من اسبوع وانا حاسس ان الرصيد بيخلص بطريقة غير طبيعية بمعنى انى اشحن الكارت ومعملش غير مكالمه دقيقة او دقيقتين والاقى تانى يوم الرصيد خلص واضطر اشحن تانى والرصيد يخلص بدون مااستخدمه خلال يوم او يومين فقولت اتصل بخدمة العملاء اشوف ايه اللى بيحصل بالظبت
وانا بتصل برنامج تسجيل المكالمات سالنى اذا كنت احب اسجل المكالمه اللى هعملها ولا لا فعملت yes
نص المكالمه اللى حصل بينى وبين واحد من خدمة عملاء فودافون :-
بعد المقدمة بتاعة الاسامى انا كذا خدمة العملاء ونتشرف باسم حضرتك
خدمة العملاء: فيه عند حضرتك اى مشكله او استفسار
انا:من فتره وحاسس ان استهلاك الرصيد بتاعى مش طبيغى بنعنى انى بشحن الكارت وبعمل مكالمه بسيطه واتفاجئ ان فى نفس اليوم او بعدها بيوم رصيدى انتهى
خدمة العملاء: طب المشكلع دى بتواجه حضرتك على نفس الرقم اللى بتكلمنا منه

انا: ايو بالظبت
خدمة العملاء طب يافندم انا مش هينفع اكمل معاك المكالمه لان حضرتك بسجل المكالمه ٠٠لقفل تسجيل المكالمات علشان اقدر اساعدك
انا :طب لحظه كده ٠٠انا حاولت اقفل التسجيل بس مش لاقى له اوبشن لانه مش هيظهر لى غير بعد انتهاء المكالمه
خدمة العملاء: طيب يافندم حضرتك هتقفل دلوقتى وانا هتصل بيك كمان دقيقتين تكون قفلت تسجيل المكالمات
انا: اوك مفيش مشكله انل هقفله

المهم انا عارف انه بيوزعنى ومش هيتصل فقفلت فعلا البرنامج واتصلت تانى وبعد اما وصلت لمرحلة يرجى الانتظار سيقوم احد افراد خدمة العملاء بالرد عليك قام المكالمع فاصله من عندهم
صراحة لضايقت جدا من سوء المعامله بتاعة خدمة العملاء فى فودافون وبعدين هما خايفين من ايه اسجل المكالمه او مسجلهاش وبعدين لو عاوز اسجلها من غير مايحسوا هسجلها عادى باكتر من طريقه تانيه وبجوده عالية
رغم استيائى من اللى حصل الا انى سعيد انهم قدروا يعرفوا انى بسجل المكالمه وسعادتى الاكبر انى اكتشفت ان عندهم الامكانية دى وعلشان كده انا هدخل فى تحدى معاهم وهسجل المكالمات برده بينى وبينهم فى اى مشكله هقابلها … انتظروا منى نصوص مكالمات اخرى مع خدمة عملاء فودافون واظهار الايجابيات والسلبيات
لو اى حد اكتشف اى حاجه فىاى شركة اتصالات اتمنى يشاركهامعانا هنا وهتتنشر باسمه وبياناته على الموقع

تعليقات

المشاركات الشائعة من هذه المدونة

وظائف جامعة البترول والمعادن

وظائف المعهد السعودي للبترول